Rafale indona thlawhna leina man zat Court hmaah puanzar a rem loh thu affidavit hmanga thehlut turin Supreme Court-in sorkar laipui a ti a, ni 10 chhung hun a pe.

0
294
views

 

Vawiin khan Rafale indo thlawhna lei chungchang thubuai Court sang ber hian a ngaihtuah a, thlawhna leina man zat leh ramchhunga a siam belhna kawnga France Company Dassault thawhpui atana Anil Ambani-a Company thar, Reliance Defence thlan a nih dante Court-ah thehlut turin sorkar laipui hi a ti a, mahse sorkar lam chuan thlawhna man hi Official Secrets Act tlawhchhanin Parliament hmaa puanzar theih a nih loh thu leh sorkar hmasa pawhin a puanzar loh thu a sawi a, hei hi Chief Justice of India Ranjan Gogoi chuan Affidavit hmanga thehlut turin a ti ta a ni. Puan tawh angin Rafale indo thlawhna lei chungchangah hian Court chuan thlawhna chu a \hat tawk leh tawk loh chungchang emaw, a \hatna emaw lam a chhui tel loh tur thu a lo sawi tawh a, Dassault thawhpui tura Reliance Defence thlan a nih dan leh a man chungchang chauh chhui a lo nih tur thu a lo sawi tawh bawk a ni.