Raghav Chanda-a’n a laka thubuai tihtawp a dilna SC-in hnawl

0
399
views

AAP thupuangtu, Raghav Chadha-a’n a laka Union Finance Minister, Arun Jaitley-a’n intihmualphona thubuai a thehluh tihtawp a dilna chu Supreme Court-in a hnawl. Puan tawh angin AAP chuan Pu Jaitley hi Delhi & District Cricket Association hruaitu a nih laia pawisa tam tak tichingpen-ah an puh a, hemi chungchang hi Delhi CM, Arvind Kejriwal chuan social media-ah a chhuah a, Chadha hian a lo chhuah chhawng ve leh a ni. Chadha-a ukil-te chuan mi thuchhuah, a chhuah chhawng leh chauh a nih avangin, an thil tih chu mi tihmualphona emaw, hrem theihna khawp thil emaw a ni lo niin an sawi a, Pu Jaitley-a ukilte chuan mi tihmualpho tumna thuchhuah, chhuah chhawn leh chu ngaihdam theih a ni bik lo niin an sawi ve thung a ni. Hemi chungchang hi September thla khan Delhi High Court-ah pawh ngaihtuah a lo ni tawh a, hemi \um pawh hian Chadha-a’n he thubuai tihtawp a dilna hi hnawl a lo ni tawh a ni.