Delhi-a cheng Jai Bhagwan Goyal leh Chander Prakahs Tyagi te chuan an ngenna-ah kum 2005 leh 2006 inkar khan UK-a innghat company data-ah Rahul Gandhi hi British khua leh tui nihna nei a ni tih a inziah thu sawiin hemi chungchang endik tur leh Lok Sabha inthlan-a ding thei a nih leh nih loh tichiang turin Court hi an ngen a ni. Hemi chungchangah hian thla hmasa khan sorkar chuan Rahul Gandhi hi ni 15 chhunga insawifiah turin thu a lo pe tawh a, heng ngenna thehlutte hian sorkar-in an duh anga hma an lak loh avangin court-ah ngenna an thehlut tih an sawi a, Chief Justice Ranjan Gogoi-a kaihhruai bench chuan eng company emawin eng form emaw-ah British khua leh tui nihna a nei anga an ziah avangin British mi a ni nghal tihna a ni kher lo tiin ngenna hi a hnawl a ni.
Chanchin Thar Rahul Gandhi-a India khua leh tui nihna endik tura ngenna thehluh chu...
