Modi chuan Congress party rorel hunlai zawngin ram venghimtu sipai te’n hmanraw pawimawh, silai kah tlang theih loh kawrchung te, pheikhawk \ha pangai te, inbiakpawhna hmanruate leh thir lukhum te an nei phak ngai lo a ni a ti a, venhimna chungchanga inbiakemna mumal leh thutlukna dik an siam theih loh laiin, a kaihhruai sorkarna hnuaiah Rafale deal chu siam a nih tak avangin lungawi lohah a puh a, he inbiakremnaa eiru-a puh a nih chungchangah Defence Mnister Nirmala Sitharaman chuan he inbiakremna chungchang hi parliamentah a sawifiah tawh a, Supreme Court pawhin a endik tawh a ni a ti.
Rahul Gandhi hian Prime Minister chu ram venghimtute chanpual tur cheng vbc 30,000 ru chhuakah a puh let nghal a, vawina Rafael fighter jet chungchang sawia press conference a neihah Defence Ministry chuan he inbiakremnaah hian Prime Minister Office te an inrawlh thu a sawi a, France President hlui Francois Hollande-a pawhin Modi hian Anil Ambani company thlang turin a hrilh thu a sawi bawk a, ram venghimtu sipaite hnenah a insawi fiah a ngai a ni a ti. Rahul Gandhi chuan P Chidambaram te Robert Vadra te an duh tawkin thu zawt fiahin, mahse Rafale inremna pawh endik ni rawh se a ti a ni.
