Rahul Gandhi-a’n zalen taka party inrelbawlna a siksawi theihna turin party hruaitu lawk \hahnem takin banna an thehlut.

0
105
views

Rajya Sabha member nilai congress hruaitu hlun Vivek Tankha in banna a thehluh hnuah state hrang hranga congress party hruaituten banna an thehlut chho zel a, Delhi leh Telangana-a congress working president pahnih te bakah state hrang hranga officer bearers 120 chuangin banna hi an thelut tawh a, heng congress hruaitute hian Rahul Gandhi-a’n President hna a chelh zui ngei ang tih a tih chian hma chuan banna an thehluh hi hnuhlet an tum lo tih an sawi.

Rahul Gandhi hian Lok Sabha inthlanpuia an chet chhiat chhanah mawhphurtu-a in chhal State hrang hrang congress hruaitute zinga an awm lo chu a lawm loh thu a sawi chhuak a, Rahul Gandhi hian an party chet chhiat chhanah hi a mawhah ngaiin Congress President nih chhunzawm a tum loh thu a lo puang tawh a ni.

Haryana Congress hruaitute nen an inkawmnaah Rahul Gandhi hian an chak loh chhan chu amah vangah a pawm avangin President a\anga ban a tum thu a puang tih a sawi a, hruaitu dangin mawhphura an inhriat ve leh ve loh chu an mimal thutlukna a ni a ti.

Tankha hi congress party-a legal and human rights cell chairman a nihna a\angin a bang a, President Rahul Gandhi-a’n party inrelbawlna a duh ang taka a siam\hat theihna tura bannna thehlut a nih thu sawiin, midang pawhin banna thehlut ve vek se \ha a tih thu a sawi.

Rahul Gandhi hian inthlan result puan hnu lawkah khan president a\anga ban a tum thu hi Congress Working Committee ah a puang a, CWC hian pawmsak lo mahse, tun thlengin a rilru a la thlak lo a, thutlukna chu CWC \hutkhawm leh hmasak berah siam a ni ang.