Rahul Gandhi chu Congress President thar a ni dawn a, party President thlanna-ah amah chauh hi chuh tura hming pe l<t a nih avangin, a nu, Sonia Gandhi a thlak dawn ta a ni. Rahul Gandhi hi kum nga vel, Congress vice-president a ni tawh a, vawiin khan party President thlanna chuh tur hian an party pisa, New Delhi-a 24 Akbar Road-ah a hming a pe l<t a, Congress President, Sonia Gandhi-i’n a hming hi a rawt a ni. Sonia Gandhi hi Congress President ni rei ber a ni a, kum 1998 a\ang khan, kum 19 chhung, he dinhmun hi a luah tawh a ni. Vawiin chawhma lam thleng khan Congress President atana Rahul Gandhi-a hming p>k luh hi 89 a tling tawh a, kum 47 mi, Rahul-a hian PM hlui, Manmohan Singh leh President hlui, Pranab Mukherjee-a hmuin, an malsawmna a dil a, hemi hnu hian an party office-ah Congress hruaitu hlun, Sheila Dikshit-i leh Mohsina Kidwai-i pawhin duhsakna an lo hlan a ni. Dr Manmohan Singh chuan, Rahul Gandhi-a hi Congress mipuite ngainat leh duhsak a nih avangin, he party ze nghet leh kalphung a chhawm nung zel dawn niin a sawi. Tuna Congress President atana Rahul Gandhi rawttute zingah hian a hmaa dodaltu, Punjab CM, Amarinder Singh pawh a tel a, ani hian Rahul Gandhi-a hi a nu thlak turin a duh lo deuh nia ngaih a ni. PM, Narendra Modi-a chuan Gujarat Assembly inthlana campaign pahin, Rahul Gandhi-a chungchang hi a sawi chhuak a, Congress chu inthlah chhawng rorelna, chhungkaw thuneihna nia sawiin, Mughal lalte ang mai niin a sawi a, BJP tan chuan India ram mipui vbc. 125 chu thuneitute chu roreltute an ni zawk niin a sawi. Pu Modi-a chuan, Mughal rorel laia Jehangir-a leh Shahjahan-a dawta Aurangzeb-a a lo lal khan, eng inthlanna mah a awm lo a, khatiang khan Congress-ah pawh an pute a\angin an nu leh pate, chutah an faten thuneihna an chang zel mai niin a sawi.
Indira Gandhi-i fapa upa zawk, Rajiv Gandhi-a fapa, Rahul Gandhi hi kum 1970 khan a lo piang a, Dehradun-a Doon School leh Delhi-a St Stephen’s College-a lehkha a zir hnuah United States leh United Kingdom-ah lehkha a zir chhunzawm a, kum 1995 khan Cambridge University-a Trinity College a\anga M Phil a zawh hnuah, London-a company pakhatah kum thum a thawk a, India rama a lo haw pawhin Mumbai-ah company a din leh a, politics a ngaihsak tehchiam lo a ni. Kum 2004-ah khan a pa bial \hin, Amethi bial Lok Sabha inthlan a chuh ve ta a, vote nuai khat chuangin a chak a, 2007 khan Congress General Secretary a ni a, Indian Youth Congress leh National Students Union of India a enkawl a ni. Kum 2013-ah khan Jaipur-a an party intawh khawmnaah Congress Vice President a ni ta a, tunah hian a nu thlakin party President a ni dawn ta a ni.
