Hei bakah hian hmun panga dangah pawh rel chak chi hi tlantir tum a ni a ti a, chung zingah chuan Agra leh Varanasi inkara tlan tur te, Delhi leh Chandigarh inkara tlan tur leh Mumbai leh Bengaluru inkara tlan turte pawh a tel tih a sawi. India rama bullet train hmasa ber tur, Mumbai leh Admedabad inkara tlantir tur hian chak taka hmalak a ni a ti a, rel kawng siamna tura ram lak hna chu December thla chhunga zawh a ni ang a, ram neitute nen inrem taka thil tih sorkarin a duh avangin ram lak hna hi tlemin a muang ta deuh a ni a ti.
National High Speed Rail Corporation chuan Mumbai leh Admedabad inkara rel chak chi tlan tir tur hian Japan puihna in hma a la mek a ni.
