Rajasthan-ah rukru rualin police kap hlum

0
384
views

Rajasthan-ah rukru rualin tukin khan police pakhat an kap hlum. Rukru rual zinga pali hi Chennai police-ten an lo man tawh a, Rajasthan-a an awmna an hriat chhuah hnuah, police-te hian man tuma in chhunga an va luhkhung chuan silai an lo hmet puak nghal mai niin thuneitute chuan an sawi. Police thi hi Chennai Police Inspector Periya Pandi a nih thu leh, a thawhpui police dang pali pawh an hliam ve tih an sawi a ni. He thil thleng avang hian Rajasthan police-te chuan rukru rual hi zawng turin beihpui an thlak nghal a, thubuai pawh an ziak lut nghal tih an sawi.