He thu hi nimin tlaia Joint NGO Coordination Committee leh Mizoram Kohhrean Hruaitute Committee hruaitute nen Aijal Club-a Citizenship (Ammendment) Bill, 2016 dodal kawnga hmalak dan an thlir letnaah Pu Ronald Sapa Tlau chuan a sawi a, Citizenship (Ammendment) Bill, 2016 pass a nih tak loh chungchangah hian tumah \hang\hat la bik tur an awm lova, he Bill pass a nih loh nana hma an laknaa hmahruaitu Joint NGO Coordination Committee-te, Kohhran hrang hrang hruaitu te, Kohhran mipui \awng\aina avanga he Bill hi Pass ta lo nia a lan thu sawiin, he hnehna hi Mizo mipui zawng zawng tan hnehna a ni tih a sawi a ni.
He inkawmkhawm hona hi Joint NGO Coordination Committee Chiarman, Pu Vanlalruata’n a kaihruai a, Citizenship (Ammendment) Bill, 2016 dodalnaa Mizo mipui thawh hona leh \anrualna chu ropui a tih thu sawiin, lawmthu a sawi a ni. He Bill dodalna kawnga an hmalak dan sawitu, Joint NGO Coordination Committee Secretary, Pu Lalhmachhuana chuan, chet dan leh hmalak dan tur an hriat ang zawng zawngin Citizenship (Ammendment) Bill, 2016 chu an dodal tih a sawi a, he Bill hi Parliament-in pass an tum tih an hriat tirh a\angin hma an lak nghal thu a sawi.
