Rajya Sabha member, Pu Ronald Sapa Tlau-in vawiin khan Hnahlan khua a tlawh a, MPF Local Forum kaihhruaina hnuaia vantlang inkhawh thusawiin, Hnahlanah Grape tuai thar a nih tur thu leh hemi a tan hian Winery leiba phuhruk nan inthlan zawhah cheng nuai 375 pek an ni dawn niin a sawi.

Pu Ronald Sapa Tlau chuan, tlang ram vur tlak \hinna hmuna Apple chin chi chu Mizoramah chin ve theih a nih leh nih loh enfiah tawh thu leh Hnahlan leh a chhehvel khuaah pawh Apple hi hlawhtling taka chin theih a ni tih hmuhchhuah a ni tawh niin a sawi. Kumina Mizoramin inthlanpui a hmachhawn tur chu party leh party inbeihna piah satliah a ni lo tih sawiin, Pu Ronald Sapa Tlau chuan, he inthlanna hi Kristian sakhua leh Hindu sakhaw inbeihna a ni dawn niin a sawi a, tunah hian India-a Hindu lal ram din tumtu BJP-in NEDA kaltlangin MNF hmanga Mizoram chhungah ram rawn zauh an tum niin a sawi a ni. He inkhawmah hian Champhai North-a Congress Official Candidate, Pu TT Zothansanga pawhin thu a sawi a ni.