Rakhine State-a buaina chhuak thar leh vanga tlanchhia, Rohingya Muslim ho Bangladesh ramri vengtu sipaiten dang

0
1441
views

Myanmar-a Rakhine State-a buaina chhuak thar leh avangin Rohingya Muslim sang eng emaw zatin an in leh lo chhuahsanin Bangladesh lam panin an tlan chhia a, raltlante hi Bangladesh ramri vengtu sipaite’n an lo dan avangin an tal buai hle ni a sawi a ni. Puan tawh angin, kar kalta khan Rohingya hel 150 velin silai leh tualchher bomb hmangin police leh sipai post 20 chuang an bei a, he inbeihna thleng avang hian sipaite leh hel ho inkarah buaina lian tak a chhuak leh a, mi 100 chuang an thi tawh ni a hriat a ni. Inrinni khan Bangladesh-a lut ru, mi 70 vel chu Myanmar lama thawn let an ni tih Bangladesh police-te chuan an sawi a, heti chung hian Rohingya Muslim 3,000 vel chu Bangladesh-ah an lut hman ni a hriat a ni a, heng raltlante hi khawsak lailawkna camp leh khaw thenkhatah an cheng mek ni a sawi a ni.