Ralthuam tih changtlun khuahkhirha bawhchhia-ah US-in Russia puh

0
742
views

Ralthuam tih changtlun khuahkhirhna tura International Treaty bawhchhia-a US in Russia a puhna chu Russia in a pha. White House thupuangtu Sarah Sanders chuan Ningani khan Russia hmalak tum dan chu International Treaty bawhchhiatna a ni dawn tih a sawi a, hemi hmalam hian Russia President Vladimir Putin chuan Nuclear ralthuam tih changtlun a tum thu leh, khawvel khawi hmun pawh an kah theih tur thu te, US in Missile laka inhumhimna a duan pawh an kah tlang theih tur thu te a lo sawi tawh a ni. Kremlin thupuangtu Dmitry Peskov chuan Russia chuan ralthuam khuahkhirhna kawnga khawvel huapa inremna engmah bawhchhiat a nei lo tih chanchinbumite hmaah a sawi ve thung. White House thupuangtu sawi dan chuan Russia President Putin-a’n Nuclear ralthuam chungchang a sawi chhuah hi US President chuan German Chancellor Angela Merkel leh French President Emmanuel Macron te chu Ningani khan telephone hmangin a sawipui nghal a ni.