Ram chhung hmar lam khaw vawtin hmet mek

0
392
views

Ram chhung hmar lam hmun zau tak chu khaw vawtin a hmet mek a, Jammu & Kashmir khawpui, Srinagar-ah nizan kha tun thlasik chhunga khaw vawh ber a ni a, tui khang theihna hnuai lam degree 6.2 a ni. Pathianni zanah khan tui khang theihna hnuai lam degree 6.1 a ni a, nizanah khan a vawt zual hret niin khaw chin thlirtuten an sawi. Hei hi a zawna zan thum, Sringar-a zan lama khaw vawh lam, tui khang theihna hnuai lam degree 6 a tlinna a ni ta a, tui tling pawh hmun engemawzatah a khang a, an dil hmingthang tak, Dal Lake pawh zing karah chuan a khang a, mahse ni chhuah hnuah zawi zawiin a tui ve leh a ni. Srinagar-ah hian a zawnin ni hnih chu chhun lamah khaw lum lai berin degree 10 chung lam a ni a, hei hian tlemin boruak vawt zual a tiziaawm hret a ni. Kashmir phai ruama hmun tam takah zanah chuan khaw vawh lam hi tui khang theihna hnuai lam a ni nual hlawm a, Qazigund-ah minus 5.8, Kokernag khuaah minus 3.4, Kupwara-ah minus 5.6 a ni. Gulmarg-ah chuan nizanah khan tui khang theihna hnuai lam degree 7.6 a ni a, Pathianni zanah phei kha chuan tui khang theihna hnuai lam degree 10.6 a ni hial a, nizanah kha chuan degree thum laiin a lum zawk a ni. Pahalgam-ah pawh a ziaawm hret a, minus 8.1 a\angin nizanah kha chuan minus 7.6-ah a chho a, Kashmir hi thlasik vawh zual ni 40 chhung, Chillai-Kalan an tihin a tuam mek a ni. Hei hian dan naranin January ni 31 thleng a awh \hin a, hemi hnuah hi chuan la vawt tho mah se, a ziaawm hun chhung ni 20, Chillai-Khurd an tih a in\an a, a hnuah a ziaawm leh hret ni 10, Chillai-Bachha an tih hun an hmang chho \an thei \hin a ni.