Ram chhung hmar lam vawt zel, vur tawlh-ah sipai 5 bo

0
355
views

Ram chhung hmar lam khaw vawt chuan zual lam a pan zel a, Srinagar lamlian pawh vur tla leh ruah sur nasa avangin ni hnih khar a ni tawh. He lamlian hi Kashmir kal pawhna awm chhun a nih avangin khawsak phung pawh a buai a ni nghal deuh mai a, hmun thenkhatah phei chuan lei a min bakah, vur tawlh avangin, khaw thenkhat chu kal pawh theih lohin a awm mek a ni. Kashmir hmar lama Gurez leh Nougam bialah pawh vur tawlh avangin sipai 5 an bo mek a, a zawng turin sipai dang tirh mek an ni. India Meteorological Department chuan vur hi a la tlak belh zel dawn nia an hriat avangin, Line of Control leh a chhehvelah chuan fimkhur lehzual turin sipai-te hi an chah a ni.