A lawmna inkhawm lian ber, naktuk zing dar 9-a Aizawl Sipai Lammuala \an turah Chief Minister, Pu Lal Thanhawla chuan hnam puanzar pawt pharhin Parade a endik anga, Parade Contingent 30 ten zalenna hnan puanzar chibai an buk a chhanglet anga, chumi hnuah mipuite hnena thuchah a sawi dawn a ni. Hemi hnu hian sorkar laipui a\ang leh Mizoram sorkar a\anga lawmman leh chawimawina dawngtute hnenah hlan a ni ang. Independece Day lawmnaah hian Contingent 30 an lawm dawn a, chungte chu Armed Contingent 6, Unarmed Contingent 6, School Contingent 14 leh Band Party 4 an nia, Parade hi Dy.SP Pu Lalsawta’n a ho dawn a, Armed Contingent zingah hian Tripura State Rifles Contingent 1 an tel a ni. Zonet chuan Independence Day Aizawla lawmna programme hi live-in Zawlbuk channel-ah a tichhuak dawn a ni. Tihdan pangngaiin Larsap, Pu Kummanam Rajasekharan chuan Raj Bhavan-ah mi pawimawh sawm khawmte chhun dar 11-ah thingpui a inpui dawn a ni. Minister leh MLA engemawzat te chuan District Hqrs hrang hrang, Sub-Divisional Hqrs hrang hrang leh khawpui pawimawh danga Independence Day lawmna an hmanpui dawn a, chungte chu Kolasib-ah Speaker, Pu Hiphei, Mamitah Home Minister, Pu R. Lalzirliana, Siahaah School Education Minister, Pu H. Rohluna, Champhaiah UD&PA Minister, Pu Zodintluanga, Lungleiah Food, Civil Supplies & Consumer Affairs Minister, Pu John Rotluangliana, Thenzawlah Deputy Speaker, Pu R. Lalrinawma, Lawngtlaiah AH&Vety Minister, Pu C. Ngunlianchunga, Serchhipah Fisheries Minister, Pi Vanlalawmpuii Chawngthu, Sakawrdaiah Deputy Chief Whip, Pu RL Pianmawia, N.Vanlaiphaiah MIFCO Chairman, Pu PC Zoramsangliana MLA, W. Phailengah ZIDCO Chairman, Pu Lalrobiaka MLA, Hnahthialah Mizoram Law Commission Chairman, Pu John Siamkunga MLA, Kawrthahah MYC Chairman, Pu Joseph Lalhimpuia MLA, Tlabungah Political Adviser to CM Pu Lalrinmawia Ralte, MLA, Ngopaah Pu R. Vanlalvena MLA, Saitualah Pu Chalrosanga MLA, Sangauvah Pu H. Zothangliana MLA, Kawnpuiah Pu Hmingdailova Khiangte MLA, Vairengteah Pu K. Lalrinthanga MLA, Tuipangah Lt. Col (Rtd) ZS Zuala MLA, Chawngteah Pu TT Zothansanga MLA leh Khawzawlah Pu Lalrinliana Sailo MLA-te’n an hmanpui dawn a ni.
Naktuka Independence day lawmnaah \ha taka venhimna kalpui anih theihna turin Aizawl Dist Sub Divisional Magistrate chuan Sipai lammual chungah te, Raj Bhavan coumpund chungah leh Chief Minister Bangla chungah te Remote control hmang Drone/Aerial Camera leh hetiang lam chi reng reng naktuk bikah thlawh tir a khap a, khapna thupek zawm lo te chu an Drone/Aeriel camera te kah thlak sak an nih tur thu leh an chunga dan anga hremna lek anih tur thu CrPC 144 tlawh chhana thupek a siamah a tarlang a ni.
