Kerala, Karnataka leh Pune-ah Thawhlehni khan kai thar hmuh belh a ni a, Union Health Ministry chuan China, Italy, Iran, Republic of Korea, Japan, France, Spain leh Germany-ah te zin a khap a ni.
Sorkar laipui chuan Covid-19 \aidarh zel tur ven nan ramriah te duty dahin, ngawrh takin covid-19 vei leh vei lote a enfiah tir bawk a ni. Sorkar chuan Italy, Iran, South Korea, Japan leh China mite visa chu a titawp lailawk a, ram chhunga ramdang mi la chambangte visa chu tihnun a la ni a, e-FRRO kaltlangin an hnaih ber FRRO hnenah an visa pawhseina tur an dil thei dawn a ni.
Jammu and Kashmir Principal Secretary Planning, Rohit Kansal chuan district 5, Jammu, Samba, Kathua, Reasi leh Udhampur-a primary school zawng zawng, cinema hall leh Anganwadi center te tun thla ni 31 thleng an khar dawn tih a sawi a, President Ram Nath Kovind chuan tun thla ni 15-a Sonbhadra district tlawh a tum chu a \hulh a ni.
