Ram chhunga Covid-19 kai hmuh chhuah chu mi 110 an tling tawh.

0
371
views

Uttarakhand-a coronavirus kai hmasa ber chu Pathianni khan finfiah a ni a, Maharashtra leh Uttar Pradesh-ah pawh kai thar mi 1 ve ve an awm belh bawk.

Delhi Chief Minister, Arvind Kejriwal chuan Delhi-a night club te, gym leh spa zawng zawng chu tun thla ni 31 thleng khar a ni dawn tih a puang a, mipuite chu inneih leh punkhawmna ang chi thil dangte \hulh rih turin a ngen a ni.

Delhi-ah hian he natna hi mi 7-in an kai tawh a, Uttar Pradesh-a kai tawh zawng zawng chu mi 12 an tling tawh a ni.

Covid-19 vei finfiah tawhte chu Karnataka-ah mi 6, Maharashtra-ah mi 32, Ladakh-ah mi 3, Jammu and Kashmir leh Rajasthan-ah mi 2 ve ve, Telangana-ah mi 3 leh Tamil Nadu, Andra Pradesh leh Punjab-ah te mi 1 \heuh an ni a. Hetihlai hian Kerala-ah chuan mi 22 coronavirus kai finfiah an ni tawh a, chung zingah chu ram dang mi 17 an tel a ni.
Kerala-ah hian Covid-19 vei mi 13 te chu dam takin damdawi in a\anga chhuah tir an ni tawh a ni.

Sorkar laipui chuan he natna hi mipuiah a darh huk lo va, tlem tlema a darh avangin mipuite chu chiai lutuk lo turin a chah a ni.

Health Ministry chuan Covid-19 vei mi 93 te hnaiha khawsa leh chung mite nena inkawm hona nei mi 4,000 vel chu chhui zui mek an ni tih a sawi a, ram chhung state zawng zawng leh UT-ah te damlo khunghranna tur te, mimal invenhimna hmanrua te, mithiam te, mite \anpuitu pawlte chu thuam chak vek an ni a ti bawk.

Health Ministry tarlan danin ram chhung |umhmun hrang hrang 30-a ram pawn a\anga zin haw te endikna tur hmunah tun thlengin khualzin mi 12,76,046 enfiah an ni tawh a, hmaituamna N95 chu 80,50,000 vel chah belh leh mek a ni bawk.