Coronavirus vanga thi mi 377 an awm tawh a, chung zinga mi 38 te chu darkar 24 chhunga thi an ni a, mi 1,306 enkawl dam an awm tawh a, mi 9,756 enkawl mek an ni.
Meghalaya-a covid-19 kai hmuh chhuah hmasak ber doctor kum 69 mi chu nizan khan a thi a, A chenpui mi 6 te pawh enfiah an nih hnuah Covid-19 an kai tih finfiah a ni.
Hetihlai hian Gujarat-ah chuan kum 14 leh kum 45 mi ten coronavirus an thihpui bawk a, kum 14 mi hi hmeichhia, Vadodara-a cheng a ni a, rilru lama harsatna nei a ni a, kum 45 mi hi nutling, Surat-a cheng a ni a, thisen sang nei sa a ni.
Hmarchhak biala coronvirus kai ngah ber state chu Assam a ni a, mi 31 enkawl lai an awm a, mi pakhat a thi tawh a, Tripura leh Manipur-ah mi 2 ve ve kai an awm a, Manipur-ah hian pakhat enkawl dam a ni tawh bawk.
