Ram pahnih khua leh tui nih khawp vangin Australia MP nihna hlih sak dawn

0
342
views

Australia MP pakhat chu ram pahnih khua leh tui nih kawp thubuai avangin Parliament member anihna hlih sak a ni dawn. Labor MP David Feeney hian UK khua leh tui a nihna a titawp ngei tawh tih finfiahna a neih theih tak loh avangin, MP anihna atangin amahin a bang dawn tih a sawi a. Kum hmasa lam khan Politician pakua te chu ram pahniha khua leh tui nih kawp thubuai avang hian ban tir an lo ni tawh a. An zinga pahnih erawh chu by election ah thlan tlin nawn leh an ni thung. Australia ah hian ram pahniha khua leh tui nihna nei te chu an din phal an ni lo a ni. Feeney hian British khua leh tui anihna chu a lo hnawl tawh nia sawiin, amaherawhchu a finfiahna tur lehkha pawimawh chu kum 10 tel liam hnuah nasa taka a zawn pawhin a zawng hmu zo lo tih a sawi a. Ram pahniha khua leh tui nihna ka nei lo tih hi ka finfiah zo lo a ni a ti.