Ram pawna Patidar hnamte’n BJP thlawp

0
304
views

Gujarat Assembly inthlan lo awm tur boruak chu a sang sawt hle a, Congress thlawp tura Patidar hnam mite fuihtu, Hardik Patel chu ram pawna awm, a hnampuiten an thlawp lo tih an sawi. Patel hnam mi, ram pawna awm, mi \hahnem tak chu BJP tana campaign turin an lo zin a, an hotu zinga mi, Babu Bhai Lal Patel chuan BJP chu hmasang a\ang tawha an hnam \hian nia sawiin, PM, Narendra Modi-a kaihhruai sorkar chu an hnamin khawvel an thlir dan pawh sâwi danglamtu niin a sawi a ni. Gujarat-a vote nei zawng zawng, za zela 14 vel hi Patidar hnam an nia chhut a ni a, inthlan apiangin ram chhung leh pawn a\angin BJP tan an campaign \hin a, tun \umah pawh hian USA leh Australia-a Patidar mi awmte pawh BJP tana campaign turin an lo zin leh a ni. Hardik Patel hi a pa a\anga Congress party-a inhmang an ni a, kum hnih vel kal ta a\ang khan an hnam chu hnam hnuaihnung, Other Backward Class zinga telh a lo phut tawh a, pawl thar dinin, kum 22 lai an state-a rorel tawh, BJP chu paihthlak a tum thu a lo sawi fo tawh \hin a ni.