Amit Shah-a’n West Bengal a tlawh dawn tih puanzar a nih a\ang khan Trinamool Congress hnathawkte chuan BJP sawiselna poster an tar nasa hle a, Amit Shah-a’n thu a sawina hmun tur, Mayo kawng dungah phei chuan Bengali hawtu BJP an mamawh loh thu te an tar nasa hle a, NSC Bose International Airport-ah pawh TMC \halai rualin Amit Shah hi flag dum nen an lo hmuak bawk a, a lirthei-te dan tumin kawnglaiah an bike te an hnutchhiah bawk a ni.
Amit Shah chuan West Bengal CM Mamata Banerjee-in dik lo taka Bangladesh a\anga lo lutte a hum tlat chu zawhfiah an duh thu a sawi ve bawk a, Mayo-a a thusawi-te TV-a tihchhuah Banerjee hian khap mahse, BJP hnathawk an ngah tawk thu leh rim taka hnathawh an hreh loh vangin in tinah pawh an luh mai tur thu te a sawi bawk a ni. BJP hruaitu hian Assam-a NRC draft list chungchangah hian Congress hruaitu Rahul Gandhi pawh dinhmun sawhnghet thei lo a nih thu a sawi bawk a, hei hi Trinamool Congress nen \angruala vote hmuhna atana hman an tum vang niin a sawi bawk a ni.
