Tun thla ni 4, Thawh\anni a\angin inkharkhip thawh thumna hi a intan dawn a, Home Ministry chuan hemi chhung hian coronavirus inkaidarh tam dan azira ramchhung hmun hrang hrang chhin chhiahna – Red, Green leh Orange zone-a mipuite khuahkhirhna thupek kenkawh dan tur pawh a duang nghal a, Green leh Orange zone-ah te chuan mipuite engemawchen thlahdul an ni ang.
Thlawhna, Rel leh Metro te a la ding chhunzawm ang a, state leh state inkalpawhna kawngpuite khar chhunzawm tur a ni ang a, school, college leh hotel leh restaurant te, mipui punkhawmna ang chi Cinema Hall leh a dangte, sumdawnna hmunpui Mall te, Gym leh Sports Complex te khar zel a ni ang a, mipui punkhawmna lam chi leh sakhaw thila punkhawmte pawh khap chhunzawm a ni ang. Thlawhna, Rel leh motor kawngpuia inkalpawhna chu tul bik thilah Home Ministry in phalna a pek anga hman theih a ni ang.
