Ram pumah sorkar enkawl bank hnathawkte nuar

0
414
views

United Forum of Bank Unions bul tumin vawiin khan ram pumah sorkar enkawl bank hnathawkte an nuar. Kar kal ta Zirtawpni-a UFBU, Indian Bank Association, Chief Labour Commissioner leh Financial Services Dept. te inbiakna a hlawhchham avangin nawrh hi huaihawt a ni a, ram chhunga bank hnathawk insuihkhawm pawl, All India Bank Employees Association General Secretary, CH Venkatachalam-a sawi danin, sorkar bank thenkhat, private-a leh tumna leh, sorkar bank thenkhat chhun fin tumna a awm dawn lo tih thuchhuah siam turin PM, Narendra Modi-a leh Finance Minister, Arun Jaitley-a chu an phut a, an inbiaknaah hian sorkarin eng mah a tiam loh avang leh, an thil phutte tihhlawhtlin tumna a neih loh avangin an nuar ta a ni. AIBEA chuan ramin bank tam zawk a mamawh belh laiin, sorkarin bank hrang hrang chhun fin tum hi a fuh lo hle niin an hria a, hemi avang hian bank branch tam tak khar a ngai dawn nia sawiin, hei hian ATM-a pawisa awm pawh a nghawng ngei dawn bawk niin an sawi a, SBI-ah pawh hetiang thil hi a thleng mek niin an sawi bawk.