Rampumah Congress party chuan mipui rin a hlawh zo ta lo niin MNF Sr. Vice President Pu Tawnluia’n a sawi

0
791
views

Rampumah Congress party chuan mipui rin a hlawh zo ta lo niin MNF Sr. Vice President Pu Tawnluia’n a sawi. He thu hi vawiina Mizo Hnam Run inkhawmah a sawi a, Pu Tawnluia chuan, ram chhung hmun dang ang bawkin kumina Mizoram Assembly inthlan turah pawh Congress chu mipuiin an rin tawh loh zia an ti lang dawn niin a sawi a, ram chhung state dangah pawh congress party in ro an relna sawi tur a awm ta meuh lo tih sawiin midang huikhawm tur pawhin rin an hlawh zo ta lo a ni a ti. Pu Tawnluia chuan, India sorkar in Mizoram Bomb hmanga a beih ni champha MZP in an hmang chu an party in an thlawp thu a sawi a, ram chhung hmun dangah ram mi leh sa Bomb hmanga beihna a thlen awm an hriat loh thu sawiin, hetihlaia Mizo te nunau pawisawi lo thlenga chimit vek pawh pawi ti lova nasa taka Bomb a beih a ni bik chu hriatthiam harsa a tih thu leh rapthlak a tih thu a sawi a, he ni hi hriat reng a ni tawh dawn a ni a ti. Inkhawm hi an party National Core Committee Member Pu K Vanlalauva’n a kaihruai a, Vice President Pu R Tlanghmingthanga’n thu a sawi bawk.