Sum hman tur pass anih theihna tur hian inbiakna neih chhoh zel a ni a, hetihlai hian dan siamtute zingah dan lova US-a pemlutte hren chungchangah leh Mexico ramri hung dan turah inremna mumal a la awm thei lo a ni. US Presient Donald Trump-a’n Mexico ramri hung a tum hi Democrats lam chuan mipui sum khawhralna mai nia ngaiin sum hman tur hi an pawmpui duh lo a, hemi avang hian tunhnai khan ni 35 chhung zet chu US sorkar hnuaia office \henkhat chu hnathawk thei lova khar a ni a, thawktute pawhin hun rei tak hlawh an lak theih loh phah a, khami \uma US sorkarin sum a hloh zat chu dollar tluklehdingawn 11 vel zet a tling a ni.
Republican leh Democratic party MP rual 17 te chuan inremna neih theih dan tur dapin inbiakna an la chhunzawm zel a, Democratic lam hian US-a dan lova pemlutte hren lailawkna hmunah mi 16500 aia tam dah loh nise tih an rawt a, Republican lamin hei hi an la pawm thei lo a ni.
