Ramrikawn atanga FCI Kudam sawnna tur Sairang Dinthar chu August ni 9 khan a neitu nihna FCI hnena hlanfel a ni tih State Consultative Committee on Food Corporation of India Chairman, Rajya Sabha member, Pu Ronald Sapa Tlau-in a sawi.

0
195
views

State Consultative Committee on Food Corporation of India hi vawiin khan Aijal Club Conference Hall-ah an \hukhawm a, hemi hnu hian thuthar lakhawmtute kawm nghalin Sairang Dinthara FCI Kudam sakna tur ram hi kum 99 chhung FCI-in a thlawnin a hawh dawn a, Central PWD-in a sak dawn avangin eng hunah nge an sak \an dawn tih leh a sak zawh hun tur chu hriat theih a la ni rih lo tih a sawi. Pu Ronald Sapa Tlau chuan, tuna Ramrikawna FCI Kumdam hman mek chu buhfai Metric Tonne 50,000 dahkhawl theihna a nih thu leh Sairang Dinthara a thar an sak tur chu tuna mi let Metric Tonne 1,00,000 dahkhawl theihna a ni dawn tih a sawi a. A thar hi sak a nih hunah pawh Ramrikawna mi hi \hiah kher a ni dawn lova, a \ul huna hman theih tura ruahman niin, khawtlang mipui tan a hnawksak tawh dawn lo niin a sawi. Sairang Dinthar Kudam thar an sak bakah hian District tinah FCI Kudam sa tura theihtawp chhuah mek a ni tih Pu Ronald Sapa Tlau chuan a sawi a. Tunah hian Champhai District tan Kudam sa tura ruahmanna kalpui mek niin, buhfai sem a rualkhai theih nan Kawlkulh-ah sak tum a ni a, a ram tur erawh State Sorkar-in a ngaihtuah sak a ngai dawn a, Siaha pawh Lawngtlai an \awm avangin sak tum a ni a, Mamit-ah Kudam hi sak thuai tum a ni tih a sawi.

State Consultative Committee on Food Corporation of India Chairman, Pu Ronald Sapa Tlau chuan, FCI in Mizorama bufai Metric Tonne 25,490 dahkhawlna a neih a\angin tun thla ni 1 thleng khan buhfai chhekkhawl sa Metric Tonne 18,695 a nei a, hei hi buhfai dahkhawlna a neih zawng zawng a\anga zaa 73.35 a ni tih sawiin, tunah hian fur a zawh hnaih tawh avangin buhfaiah Mizoramin harsatna a tawh loh an beisei tih a sawi a. Mipuiten buhfai \ha chauh an dawn theih nan theihtawp an chhuah a, Supply Department hnuaiah Quality Control Unit din tur niin, an ni hi FCI mithiamten Training an pe dawn tih a sawi.