Ramrikawn atanga PTC panna kawngpui siam mek MNF MLA pahnih-ten enfiah

0
381
views

MNF MLA pahnih Pu K Sangthuama leh Pu Lalruatkima ten vawiin khan Ramrikawn atanga PTC panna kawngpui siam mek an enfiah a, April thla ral hmaa hna zo turin PWD hotute leh Contractor te an ngen. Bialtu MLA Pu K Sangthuama chuan, nikum lam tangin kawng siam hna hi thawh tan a ni tawh niin a sawi a, kawngsiam danah duhthusam lo tam tak a awm thu complaint an dawn thin avangin vawi tam tak amah pawhin a lo enfiah tawh niin a sawi a, Contractor chu hna tha tak leh chak zawka thawk tura ngenin khawtlang emaw pawl anga nawr kher ngai lova hnathawk tur leh tun thal chhung ngeia thawk zo turin a ngen a, PWD lam pawh uluk zawka vil turin a chah a ni. Contractor Pu Lalfamkima pawhin April ni 10 hmaa zawh hman ngei an inbeisei thu MLA te hi a lo hrilh a ni. ZONET thudawn danin he kawng km 7.75-a thui siam nan hian Mizoram sorkar chuan cheng vbc 668 a ruahman a ni. Tun dinhmunah Ramrikawn leh Sakawrtuichhun khawchhung inkar kawngpui chu PWD te ngenna angin TANTIA in an siam zo tawh a, a bak zawng chu Contracotr Pu Lalfamkima’n a thawk mek a ni. MLA pahnihte hi PWD hotute leh Sakawrtuichhun khawtlang hruaituten an tawiawm a ni.