Rengtekawn leh Bairabi inkar kawng chhe lai siam tha tep tawh

0
337
views

Rengtekawn leh Bairabi inkar kawnga a chhe zual lai pawh siam \hat zawh \>p tawh niin PWD hotuten an sawi a, he kawnga a khuar chhe zual lai leh nal lai chu a theih dan ang angin lunga hnawh a ni a, amaherawhchu, nizana ruah tam tak a sur avangin, motor lian, quintal 400 vel phur a tlan leh chuan kawng chhuat lei hmin tawh chu a khuar leh mai dawn niin an sawi. Tuna kawng chhuat, lunga an hnawh hma khan he kawng chhuatah hian lung hi \um thum an lo phah tawh a, hengte hi motorin a chil pil zel avangin hnawh nawn leh a ngai \hin a, tunah hi chuan Bairabi rel station bula kudam a\anga buhfai thiar chhuah kawngah harsatna lian tham a awm tawh lo nia thu dawn a ni.

Vairengte leh Lunglei inkara National Highway 54 pawh lirthei kal theihin a tlang a, New Khamrang khaw bula Lungker luia nimina culvert chim avanga truck tang pawh lak chhuah a ni tawh a, kawng enkawltu, PWD hotute chuan he culvert chhia hi nimin khan a hmuna kala enfiahin, culvert hnuai, tuiin a hawrh chu an siam nghal a, culvert chhe lo lai, a hnuai lam chak tawk lo nia hriat pawh tihchak dan tur an buaipui nghal a ni. He kawnga culvert chhiatna laia culvert zau zawng hi meter 12 a ni a, tuna chhe chin hi meter 6 vel a ni a, a bak meter 6 dang chu tluang taka truck kal theihin a la awm a ni.