Republic Day lawmna Mizoram pumah peih fel tawh

0
670
views

Republic Day, naktuka lawm turin Mizoram pumah inpeih fel a ni tawh. A lawmna inkhawm lian ber, naktuk zing dar 9-a Aizawl Lammuala \an turah Larsap, Lt. Gen. Nirbhay Sharma-a’n hnam puanzar pawt pharhin parade a endik ang a, an chibai buk chhang letin mipuite hnena thuchah a sawi ang. He ni lawmnaah hian Contingent 29 an lam dawn a, chung zingah chuan Nagaland-a IR Battalion a\anga lo kal hmeichhe contingent pawh an tel dawn a ni. A lawmna inkhawm hman zawh-ah Larsapin Raj Bhavan-ah mi pawimawh a sawmte thingpui a inpui bawk ang. Tih dan pangngaiin naktuk zing ni chhuah rualin sorkar in pawimawh leh mimal inah te zalenna hnam puanzar zar a ni ang a, sakhaw hrang hrang betute chu ram leh mipuite tana \awng\ai tura ngen an ni bawk. Boruak \ha leh muanawm tak hnuaia Republic Day lawm a nih theih nan inven himna lam pawh uluk lehzual a ni a, Aizawl Sadar Sub Divisional Magistrate chuan Lammual chung zawn, Raj Bhavan chung zawn leh Chief Minister Bangla chung zawnah te Aerial Camera leh Drone hmanga thlalak a khap a ni. Lammuala Republic Day lawmna hi ZONET chuan Live-in tihchhuah a tum a ni.