INA hi kum 1942 khan Rash Behari Bose-a’n a din a, India mi British sipaia lut, Japan-in a man takte sawmkhawma a din a ni a, khatih hunlaia British rorelna paihthlak tuma beitute an ni a, kum khat hnu vel lekah Subhash Chandra Bose-a hnenah hian thuneihna hlan a ni zui ta a ni.
Kumin Republic Day parade-a tel tur INA sipai hluite hi mi 4 an ni a, an vai hian Delhi chhevela cheng an ni a, an zinga upa ber Bhagmal chu kum 100 lai a ni tawh a, midangte chu kum 98 mi Lalti Ram leh kum 97 mi Hira Singh leh Parmanand Yadav te an ni.
