Republic Veng Branch YMA in an dinchampha vawi 60 na Diamond Jubilee vawiin khan khawtlang huapin ruai nen an lawm.

0
255
views

 

A hmanpuitu Central YMA President Pu Vanlalruata chuan, Mizo hnam chu kiltin a\angin tichhiat tumin nekin a awm mek niin a sawi a, Chakma ten tun hmain Mizo te an nek ngam lo tih sawiin, tunah chuan \antu an nei nia an inhriat avangin an huangtau ta hle a, Mizo mipui te \anho a ngai zual ta hle a ni a ti. Pu Vanlalruata chuan, Mizo hnam chu hnam tlem te, \hendarh tham loh a ni tih sawiin, hnam bil ham\hatna tur zawnga hmalak pawh thil tih chi a ni lo a, Mizoah lungawi taka awm mai chu zo hnahthlak zawng zawngte tih tur a ni a ti a, ruihhlo lakah \halaite an fihlim thiehna turin nunkawng dika hruai kawngah \anlak a ngai a ni a ti.

Inkhawm hi Diamond Jubilee Celebration Chairman Pu H Lalbiakmawia’n a kaihruai a, Jubilee Cake an zai a, hruaitu hlui an chawimawi bakah Jubilee puala Souvenir buatsaih chu an Adviser Pu H Vanlalruata’n a tlangzarh a, malzai leh Jubilee zaipawl te ngaihthlak a ni. Jubilee pual hian khawtlang huapin a thlawna inentirna Free Clinic te, thisen pek runpui te leh intihhlimna chi hrang hrangte an lo buatsaih tawh a ni. Republic Veng YMA hi kum 1958 khan din a ni a, tun dinhmunah member 2248 an awm a ni.