Republic Veng Presbyterian Kohhran Biak In thar hawng

0
722
views

Aizawla Republic Veng Presbyterian Kohhran Biak In sak thar chu vawiin khan Aizawl East Presbytery Moderator, Pastor C. Lalbiakhluna’n a hawng a. A hawnna inkhawm tawi, Biak in tuala neih hi Republic Veng Presbyterian Kohhran Upa min, L. Biakchhunga’n a kaihruai a, Presbytery Moderator-in a hawn hnu-ah hian Biak In chhungah an Kohhran Committee Vice Chairman, Upa H. Thangzuala kaihhruain Pathian hnena lawmthu sawi inkhawm neih zui a ni a, Biak in hawngtu, bialtu Pastor ni bawk, C. Lalbiakhluna’n Pathian thuchah a sawi a, Building Committee Secretary, Upa C. Lalthlamuana’n Biak in sak a nih dan leh thil pawimawh dangte sawiin, Kohhran zaipawl leh Republic Veng pastor Bial Zaipawl an zai bawk.

Republic Veng Presbyterian Kohhran hi kum 1964 January ni 26 khan din a ni a, tunah hian chhungkaw 702 a\angin Kohhran member 3,342 an awm a, dan zawh kim 2,484 an awm a ni. Vawiina hawn tak Biak in thar sakna tur lung hi kum 2013 June ni 18 khan an Kohhran Upa min, Upa L. Biakchhunga’n a phum a, kum 4 leh thla 4 chhung an sa a, a sak nan hian cheng nuai 960 vel an seng a ni. A sak chhung hian hnatlang tha 5,270 leh hlawhfa tha 1,687 an seng a ni. Biak in thar hi a dung feet 95.5 leh a vang feet 67.5 a zau a ni a, a chhungah puitling 1,500 vel \hut theih a ni a, Gallery, Kohhran Hall, Vestry, lirthei dahna leh hmun pawimawh dang engemaw zat siam a ni bawk.