Republic Vengthlanga Local Council leh Branch YMA ten thuchhuah inṭawm siam, Chakma misualten sawisak hlum hial pawh pawisa loa IR duty kut an thlak chu an dem thu an sawi

0
934
views

Republic Vengthlanga Local Council leh Branch YMA ten thuchhuah inṭawm siamin Covid-19 laka ram leh hnam himna tura ṭhahnemngai taka duty lai, 5th IR Battalion mi – C Lalhruaitluanga (Republic Vengthlang) leh C Zairemmawia (Hlimen)-te Chakma misualten sawisak hlum hial pawh pawisa loa kut an thlak chu an dem thu leh hriatthiam harsa an tih thu an sawi.

Mizoram chhung ngeia Chakma te’n Mizo Police duty lai kut an thlak ngam chu boruak ṭha lo zawk cho chhuah an ngam nia an ngaih thu an sawi a, chhang let turin ṭhalai te thawk chhuak turin an inpeih sa reng tih an sawi a, hetiang em a thlen lohna tur hian IR Police pahnih kutthlaktute chu a rang thei ang bera mana, an phu tawk hremna pek ngei an nih an beisei tih an sawi.

Kut tuarte in enkawlna senso tum sak tur leh zangnadawmna pe ngei tur leh, ramri-a duty tur Police tam zawk dah belh turin sorkar an ngen a ni.