Reuters hnuaia thawk Journalist pahnih, Rohingya buaina an ziah avanga Myanmar sorkarin lung in a a khung te chu chhuah zalen an ni ta.

0
519
views

Kum 33 mi Wa Lone leh kum 29 mi Kyaw Soe Oo te hi President in ngaihdam theihna a neih, presidential amnesty hmanga chhuah an ni a, Yangon khawpui dai Tan-in ah ni 500 chuang tantir an lo ni tawh a, September thla khan Official Secret Act hnuaiah kum 7 tang turin an chungthu hi rel a ni.

Jail-a khung an ni hi chanchinbumite zalenna rahbehna langsar taka ngaih a nih avangin khawvel ram hrang hrangin Myanmar sorkar thil tih dan hi an dem thu an auchhuahpui a, Jail a chhuahsan hnu hian Wa Lone hian a hna pangngai chhunzawm a tum thu leh khawvel huap chanchinthar thehdarhtu pawl pakhata thawktu a ni ve chu a lawm thu a sawi a, a chhungte leh \hiante a hmu thei tur chu a hlim thu leh news room-a a hna chhunzawm leh thuai a nghahhlelh thu a sawi.

An pahnih hian nupui nei ve ve tawh, fa sen te te nei an ni a, Wa Lone-a nupui Pan Ei Mon chuan a pasal hi man a nih hnuah nau a pai tih a inhre chhuak chauh nghe nghe a ni.