Rifle thar 1,66,000 leina tur sorkar laipuiin pawm

0
524
views

Rifle thar 1,66,000 leina tur, sorkar laipuiin nimin khan a pawm. Sipai thuneitute chuan kum 2007 khan rifle thar lei a ngaih thu hi sorkar laipui an lo hriattir tawh a, kum 2016 khan ralthuam thar leina tur hi chhuah a ni chauh a, hemi tum pawh hian ralthuam hralhtu inlan an tlem avangin a tlawlh leh a ni. A rang thei ang bera ralthuam thar lei hi a ngaih tawh avangin, Defence Aquisition Council nimina thukhawm chuan khuahkhirhna thenkhat a hlip a, rifle puakrang chi 72,400 leh rifle tê chi 93,895 lei turin thutlukna siam a ni ta a ni. India sipaite hian AK-47 leh ramchhunga siam chhuah, INSAS silai an hmang mek a, kum 2016 khan heng silai thlakna tura enchhin, Defence Ministry hnuaia Ordnance Factories Board siam silai chi hnih chu sipai lamin an lo hnawl tawh a ni.