RK Nagar by-election AIADMK leh DMK tan pawimawh

Tamil Nadu-a Pi Jayalalithaa-i thihsan, RK Nagar Assembly bial by election neih tur chu rorel lai pawl, AIADMK leh eptu pawl, DMK tan inthlan pawimawh ber pakhat a tling dawna ngaih a ni a, puan tawh angin, he biala inthlan, April thlaa neih tum a nih khan income tax department miten vote laina tur nia hriat, cheng vbc. 89 an man avangin \hulh a ni. Tamil Nadu-ah hian rorel lai pawl chu by election apiangah, kum 1999 a\ang khan an chak ziah a, tun \umah hian AIADMK hi an chak loh chuan state sorkar dinhmun pawh a nghawng hial dawn nia ngaih a ni a, mipuiin state CM, Edappadi K Palaniswami-a an ngaihdan fiahna tur nia sawi a ni bawk. Jayalalithaa a awm tawh loh avang leh, V K Sasikala pawh lung inah a tan mek avangin he bial hian ngaihven a hlawh zual a, eptu pawl, DMK tan pawh he inthlan hi an dinhmun fiahna tur a nih avang leh, an hruaitu, MK Stalin-a dinhmun hriat theihna tur nia ngaih a nih avangin, theihtawp an chhuah \an tawh a ni.