Road Safety Week pualin No Tolerance Drive kalpui

0
330
views

Lirthei chetsualna thleng thei laka fimkhurna hapta vawiin atanga hman tan pualin Aizawl Traffic Police-in ngaihdamna tel loa lirthei endik runpui, No Tolerance Drive an kalpui. Traffic OC, Pu Laltanpuia chuan, Krismas dawna No Tolerance Drive an kalpui ang bawk khan tun tumah pawh hian khauh taka dan kenkawh a nih tur thu Zonet a hrilh a. Lirthei an endiknaah Driving License leh lehkha pawimawh hrang hrang nei lote chu man zel an ni ang a, dan bawhchhiate chu an bawhchhiat ang zela pawisa chawitir an nih tur thu a sawi. Traffic OC chuan, vawiin khan Aizawl Dawrpui venga Millenium Centre bulah lirthei endikna hi neih a nih bakah khawpui daifemah Mobile checking neih a nih thu a sawi a, hei hi tun thla ni 18-a Road Safety Week thleng neih chhunzawm a nih tur thu leh hemi chhung hian khawpui chhung hmun remchang laiah lirthei endikna hi neih thin a nih tur thu a sawi. Vawiina Traffic Police- ten lirthei an endik rual hian lirthei khalhtute leh kawngpui hmangtute fimkhur tura inzirtirna lehkhabu an sem nghal a ni.