Robert Mueller-a’n kum 2014-a Donald Trump-a inthlan campaign-ah Russia inrawlhna a hmu lo.

0
645
views

White House leh US President Donald Trump-a te’n Robert Muellar-a thil chhui report tlangkawmna chu an endik hnuah President Trump chu Russia nena thil phiarru-a thawk duna puhna lakah a fihlim a ni tih an puang a, heng puhna avang hian a sorkar tirh kum 2 chhung chu Trump-a hian rinhlelh a kai phah a ni. Trump chuan ramin hetiang a paltlang a ngai hi a pawi a tih thu leh he thil hi intihhmingchhiat tumna hlawhtling ta lo a ni a ti. Mueller-a report Attorney General William Barr-a’n a tlangpui a khai khawmnaah hian Trump hian dan a bawhchhiat leh bawhchhiat loh chiang taka ziahlan a ni lo a, eptu pawl Democrat te chuan Mueller-a report hi a vai a tarlan an phut a ni.

Mueller-a chuan he report hian Trump-a dan bawhchhiat thu chiang takin tarlang lo mahse a fihlim a ni tih a tarlang bik chuang lo a ni a ti a, Barr chuan he report-ah hian finfiahna chiang tak ziahlan a nih loh vangin dan hmaa thubuai siamsak-a thiam loh chantirna tham a ni lo tih a sawi.