Rohingya te suat chiam an nih thuah Myanmar sipai hotulu thil tih dan chhui chian ngei a tul tih UN in a sawi.

0
544
views

 

UN aiawha thil awmdan chhui chiangtute chuan Myanmar sipai hotulu ber leh hotu dang panga te chu khawvel ram hrang hrang tangrualin a thil tih dan an chhui a tul a ni an ti a, Rohingya te chunga thil thleng chhui chiang tura UN mi tirhte hian Rakhine State-a Ronghingya te suatna thleng chu chhui chian a tul a, Myanmar sipai hotulu Commander-in- Chief, Senior-General Min Aung Hlang leh a thuihhruaite chu mihring mihrinna laka pawikhawih thubuai, mi suat thubuai leh indona-a dan bawhchhiat thubuaite siamsak tur an ni an ti.

UN mi tirhte hian thla engemawzat chhung Rohingya te suat an nih dan hi a chhui chiang a, nikum lam khan US chuan Myanmar ah hian hnam tlem zawkte suatna a thleng ngei a ni tih a lo sawi tawh a, Rakhine State-a sipaite beihpui thlakna avang khan Rohingya Muslim 700,000 zet Bangladesh ah an tlan chhia a ni.