Rorel lai Congress party chu mipuiin thlak an tum tawh nia a lan avangin |angrual Pawl elpui ber tur chu MNF Party a ni dawn niin ZPM Chief Minister Candidate Pu Lalduhoma’n a sawi.

0
191
views

 

Mizoramin inthlanpui a hmachhawn tur chu vote zawng Party leh ram siam\hat duhtute inbeihna a ni dawn niin Pu lalduhoma chuan vawiina an Party chhung inkhawmah a sawi a, ZPM chu mipui mit fukna ber a ni chho mek niin a sawi. Pu Lalduhoma chuan, Mizoram kum 30 chuang thuneihna chang tawh ten an ngaihpawimawh ber chu vote a ni tih sawiin, chuvangin Mizoramin inthlanpui a hmachhawn tur chu khelh fuh tum leh dik taka khelh tum te, vote zawng party leh ram siam\hat duhtu leh thuneihna an channa tur a nih phawt chuan eng hmanrua pawh hmang hreh lotute leh dik leh thianghlim taka ram kaihhruai tum tute inbeihna a ni dawn a ni, a ti a. Rorel lai Congress Party-in NLUP-a cheng Vbc. 2800 an dah avangin Department hrang hrang a\angin zaa 50 aia tam an pawtpeng nia sawiin, hei hi hmasawnna hna thawhna tur ni lovin vote zawnn a atana an ruahman niin a sawi a. Cheng Vbc 2800 an sen ral hnuah pawh hmasawnna hmel hmuh tur a awm lo chu a vanduaithlak hle a ni, a ti.

MNF party-in SEDP a zawrh pawh vote zawnna hmanrua tho nia sawiin, Pu Lalduhoma chuan, Congress-in NLUP hmangin cheng nuai 1 an tiam a, MNF in cheng nuai 3 an tiam ve ringawt chu mipui vote an duhna vang chauh a ni a, hei hi tihlawhtling dawn pawh ni se, Mizoram Budget a\anga chuan a ngaihna a awm lo hrim hrim niin a sawi.

ZPM chhung inkhawm hi ZPM Sr. General Secretary, Pu HB. Lalnunthara’n a kaihruai a. Bial hrang hrang tlawhtuten an zin report an pe hlawm a ni.