RSS hruaitu-in ram venhim hna thawk thei khawp sipai ni thum chhungin din thei niin sawi

0
369
views

RSS hruaitu, Mohan Bhagwat-a’n ni thum chhungin ram venhim hna thawk thei, sipai an din thei nia a sawi vangin dem a hlawh hle. Bhagwat hian Muzaffarpur, Bihar-a thu a sawina-ah Indian Army-in sipai chherchhuak tura thla 6, thla 7 vel a mamawh laiin, RSS chuan ni thum chhung lekin ram venghim thei khawp sipai chakna a din thei niin a sawi a, RSS chu sipai anga inkaihruai thin ni lo mahse, mahni invawn chungchangah leh ram tana nunna hlan chungchangah a tha filawr hle niin a sawi bawk a ni. Bhagwat-a thusawi hi Congress President Rahul Gandhi chuan ram mipuite leh sipaite hmuhsitna a ni a ti a, a thusawi hi ram zahawmna hnuh hniam tumna leh hnam puanzar zah taka chibai lo buk tawhtute zawng zawng ngaihnepna a ni a ti.