Ruah sur nasa avanga khawvel hmun hrang hranga chhiatna thlengah Nepal, Bangladesh leh India hmar lam ramah te mi tam takin nunna an chan tawh.

0
213
views

Nepal-ah chuan ruah nasa taka sur vangin mi 65 an thi a, mi 30 chuang chin hriat lovin an bo a, ruahsur nasa kaihhnawiha chhiatna thlengah mi 38 an hliam bawk. Ruahsur hian tuilian leh leimin a thlen nasa hle a, kar kalta Ningani a\anga tui a len avangin Nepal Police te chuan mi 1,400 chuang hmun him lamah an sawn a, in 10,000 vel tuilian hian a chim tawh bawk a ni.

Bangladesh-a raltlante awmna, Rohingya refugee camp-ah pawh mi engemawzat an thi a, Bangladesh-ah hian mi maktaduai chuangin tuilian tuarin, ruah tam tham tak la sur zawm tura hmuh lawk a ni bawk.

Bangladesh-ah hian April thla khan leiminin mi 10 a hnawl a, an zingah dam khawchhuak an awm lova, an zingah hian naupang pahnih an tel a ni.

Hetihlai hian Indonesia-ah chuan Maluku thliarkar chu lirnghing magnitude 7.3-a na-in a sawi vangin mi 1-in nunna a chan a, midang 100 chuang hmun him lamah thiar chhuah an ni. US Geological Survey-in a tarlan danin he lirnghing hi North Maluku biala Ternate khaw chhimlam km 165-a thuk a\anga in \an a ni a, a in\anna bul Halmahera District chhim lamah in 160 a sawi chhia a ni. Lirnghing natna hmuna awm te chu school leh sorkar in remchangah te sawn chhuah an ni a, sorkar chuan heng mite riahna tur leh ei leh in turte a ngaihtuah sak a ni. Hemi hmalam, kar kalta pawh khan helai hmun hi magnitute 6.9-a na lirnghingin a lo sawi tawh a ni.