Education Department Seminar Hall-a neih zirhona hi Mizoram Social Defence & Rehabilitation Board, Social Welfare Department leh MZU Psychology Department tanghote buatsaih a ni a. Minister sawi danin Kum 2017 khan ruihlo khawihte dinhmun, bul an tan chhoh dan, a nghawng leh Mizoram puma a darh zau dante zirna Baseline Assessment neih a ni a, ruihlo ngai zinga a tam ber chuan kum 15 chho an nih atangin phalna neia zawrh ruihlo – Vaihlo leh hnim chi angte in bul an tan a. kum hnih thum hnuah Zu, Ganja leh a dangte an ching chhova, Kum 19, 20 an nih meuh chuan ruihlo hlauhawm zawk, damdawi dawra zawrh leh a ruka zawrh leh a dang te tih an ching chho tawh a ni. Dr K Beichhua chuan High school atanga University thlengin ruihlo laka inven dan leh a tha tlohna te nasa zawka inzirtir a \ul tih a sawi
Psychology Department Prof. H K Laldinpuii Fente kaihhruai hawnna inkhawmah hian MZU Vice Chancellor Prof. K.R.S. Sambasiva Rao, SWD Director Laldikimi leh MZU Dean, Students’ Welfare Dr. Lalngurliana Sailo, te pawhin thu an sawi a ni.
