Ruihhlo tawlhrutu langsar, Mexico Drug Lord Joaquin “El Chapo” Guzman chu thiam loh chantir a ni.

0
750
views

Kum 61 mi Guzman hi Sinoloa-a ruihhlo hmanga sumdawng Sinoloa Cartel hotulu a ni a, kum 20 chuang US ram chhungah cocaine, heroin, marijuana leh methamhetamine te a lo tawlhlut tawh \hin a, kum 2016 January khan Mexico-ah man a ni a, kum 2017 January khan US-ah thawn a ni. Brooklyn court chuan a laka thubuai 10 ziahluh te chu kar 11 chhung a ngaihtuah hnuah thiam loh a chantir a, June ni 25-ah a hrem dan tur puan a ni ang. A chungthu relnaah hian thuhretu mi 50 chuang an inlan a, heng zinga tam tak hi a thawpui \hinte an ni hlawm.

El Chapo kaihhruai Sinaloa Cartel hi kum 1990 vel a\ang khan an inlar \an a, Mexico chhungah cartel dang te nena indovin tualthahna tam takah an inhnamhnawih a, tharum hmangin an thuneihna an tinghet a ni. El Chapo hian ruihhlo hmanga sumdawnna lian tak a kalpui chu a larpui hle a, Mexico high-security jail a\angin vawi hnih a lo tlanchhuak tawh a, mi hausa te thil neih ruksak-a, mi rethei te pek a chin avangin Sinaloa khaw chhunga mi rethei te chuan Robin Hood angin an en \hin a ni. Man a nih hnuah pawh hian a Sinaloa Cartel hi US chhungah ruihhlo semchhuaka tawlhrutu lian ber a la ni.