Rural Deveopment Minister Pu Lalruatkima’n zirna lama Mizoram hnufumna chu Sorkar in a hria tih sawiin a siam \hat dan tur a ruahman mek niin a sawi.

0
441
views

He thu hi vawiina Aizawl West College Annual Week kharna inkhawm a hmanpuinaah sawiin Pu Lalruatkima chuan, All India Service lamah Mizo lut an tlem ta hle chu veiawm a tih thu a sawi a, Mizoram sorkar a hnasang cheltu zingah hnam dang an ni ta fur te chu zirlai ten \an lak nan an hman a ngai a ni a ti. Pu Lalruatkima chuan, zirlai te chu khawtlang leh Kohhran a inhman chin tawk an hriat a ngaih thu te, zirnaa hlawhtling tura beiseina an neih te chu khawtlang leh Kohhran te pawhin hrethiama an awl thiam a \ul thu te a sawi a, a bial chhung mi te All India Level Service hrang hrangah \halai tam zawk an luh theih nan Human Resources Development huangah MLA Fund zaa 15 chu kumtin hman dan tur a ruahman tih a sawi. Pu Lalruatkima chuan, kumkhat chhunga Mizo te pun dan enin a lungawithlak loh hle tih a sawi a, pun lam aia thi zat pung chho zel chu hnam boral zia a nih thu sawiin hemi siam tha tur hian sorkar pawhin hma a la dawn tih a sawi.

Inkhawmah hian he College atanga zirchhuak nikum Assembly inthlana MLA atana thlan tlin thar Pu C Lalmuanpuia leh Lalrinsanga Ralte ten thu an sawi bakah Annual week an hman chhunga ti \ha te hnenah lawmman an hlan a, chawhnu lamah intihlimna hun an hmang bawk.