Russia Pacific indo lawng rual aiawha thupuangtu chuan indo lawng pahnihte hi insu \epin feet 160 vel lekah an inpel tih a sawi a, US indo lawng su lo tur hian thawk leh khatah an indo lawng hi an khalh kawi thut a, chuti ni lo se an insu ngei dawn a ni a ti. Hetihlai hian US lam chuan he thil thlen chhan hi Russia lam thiam loh a ni a ti ve thung. US Seventh Fleet Commander Clayton Doss chuan Russia te hi him lo tak leh thiam lo taka an indo lawng enkawlah a puh a, Russia indo lawng Admiral Vinogradov hian US indo lawng USS Chancelloorsville chu Philippine Sea-ah feet 50 leh 100 inkar vel lekah hlauhawm takin a pel a ni a ti.
US chuan Russia indo lawng chet dan chungchang hi ram palai kaltlanga Russia hnena thlen anih tur thu a sawi.
