Russia President-in Syria tlawh, hnathawk zo thawkhatah inngai, sipai la chhuak dawn

0
404
views

Russia President, Vladimir Putin-a’n nimin khan Syria ram tlawhin, an hna thawk zo thawkhata an inngaih thu leh, an sipai tam zawk pawh lak chhuah nghal an nih tur thu a sawi. Putin hian Hmeymim sipai tumhmunah sipaite hmaah thu a sawi bakah, Syria President, Bashar al-Assad nen an inkawm a, nimin vek khan Egypt leh Turkey ramte tlawhin, President Abdel Fattah el-Sisi leh President Recep Tayyip Erdogan-te a kawm a ni. Syria ram buaina-ah hian Russia hi kum 2015 September khan a inrawlh tan a, indo thlawhna an hmang deuh ber a, khawmuala indona tam zawk chu Iran thlawp, Shiite pawlte kutah dah a ni thung a, IS mi firfiak pawl an donaah hian Russia sipai 50 vel an thi nia chhinchhiah a ni a, sipai zawng zawng an lak chhuah vek loh tur thu leh, IS mi firfiak pawlte do thei tawk sipai dah chhunzawm a nih tur thu pawh Putin-a hian a sawi a, tun hnaia US President, Donald Trump-a’n Israel khawpui atana Jerusalem a pawh chuan Middle East-a buaina a tipunlun zawk nia a hriat thu a sawi bawk.