Russia President Vladimir Putin a’n kum 4 chhungin Russia rama retheihna chu a zatve tala tih hniam a tum thu a sawi

0
820
views

Russia President Vladimir Putin a’n kum 4 chhungin Russia rama retheihna chu a zatve tala tih hniam a tum thu a sawi. Kumtina mipuite hnena thuchah a sawi thinah Russia President hian Russia ram kaihhruai a tum dan tlangpui a puang chhuak a, vawiin a thusawiah hian Putin hian ram mipui tupawh a ngaipawimawh tih sawiin, hnathawh tur siam belh kawngah nasa zawka tanlak a tum thu a sawi. Vladimir Putin hi President inthlanna neih leh mai turah tling leh ngei tura ngaih a ni a, March ni 18-a inthlanna neih turah hian amah khin tum mi 7 an awm a, Eptu hruaitu Alexei Navalny chuan inthlan chuh thei lo tura tih a nih avangin, mipuite chu inthlan boycott turin a ngen a. Hetiang hi thil awmdan a nih avangin President thlanna neih turah hian tumahin Putin-a hi an khing hneh dawn lo nia rinlawk a ni. Amah Putin-a pawh hian campaign tul a ti lem lo niin a lang a, term thar kum 6 dang a president leh chhunga a hmalak tum dante a puang a ni. Parliament in hnih joint sitting hmaa vawiina a thusawiah hian Putin-a hian Russia rama mipui nawlpui damrei zawng chu Japan leh France te tluk phak tura hriselna lamah tanlak a tum thu a sawi a, kum 2000 ah khan Russia ramah mi maktaduai 42 zet chu mirethei zual an nih laiin tunah chuan mi maktaduai 20 ah a tla thla tawh a, retheihna umbo kawngah nasa leh zuala tanlak a ni ang a ti.