Siberia tan ina tangte chuan anmahni vengtute chu dik lo taka an chunga khawsaah an puh a, buaina an chawkchhuak a ni.
He tan in Angarsk-a high security Penal Colony No.15 hi security force ten khauh takin an veng nghal a ni.
Thuneitute chuan buaina chu thunun theih loh khawpin a chhuak niin an sawi a, police ten buaina chhuah chhan hi an chhui nghal tih an sawi a, hetihlai hian human rights group chuan tangte chu prison officer ten tianga an vuak avangin buaina hi a chhuak niin an sawi thung.
Tan in hi Moscow chhim lam km 4,000 vela hlaa awm a ni a, mi tang 1,200 an awm mek a ni.
