Kerela High Court-in thil awmdan zirchiang tura a ruatte hian Pinarayi Vijayan-a sorkar hnuaia police te chu Sabarimala Temple-a lut hmeichhe pahnih Kanaka Durga leh Bindu te VIP ang maia enkawla phalna nei lova \anpuiah an puh a. Police te hian heng hmeichhe pahnihte hi VIP te leh staff mi te chauh luh phalna kawngah an luhpui a ni tih an report a ni.
Tunhma zawnga hmeichhe kum 10 leh 50 inkar te he temple-a luh phal loh ni \hin chu September thla khan Supreme Court chuan mi zawng zawng tlawh theih a ni tur a ni tih thupek a siam a, temple chhunga chenga an rin, Ayyappa zuitute chuan Supreme Court thupek hi duh lovin temple-a luh tum hmeichhiate chu an lo dang \hin a, Nilaini khan heng hmeichhe pahnihte hi temple-ah hian an luh avangin, buaina a chhuak ta a ni.
He temple-a lut hmeichhia te zing ami Kanaka Durga chu in a haw hnuah a pasala nu, Sumathiyamma chuan kut a thlak nia insawiin damdawiinah dah a ni a, hei hi dawt niin a unaupa Bharathbushan-a chuan a sawi thung a, Kanaka zawk hian a pasala nu chu kut a thlak hmasa a ni a ti.
Sumathiyamma hian Kanakadurga lakah hian thubuai a thehlut a, Perinthalman police te chuan IPC section 341, 323 leh 294 hnuaiah thubuai an ziaklut a, Kanaka pawh hian Sumathiyamma hian kut a thlak avangin, a lakah hian thubuai a thehlut ve tho bawk. Kanakadurga hi Kozhikode Medical College-a enkawl mek a la ni.
